NEEND.

Raat ki tanhaai mei

Aagosh e aaraam mei jab

Saari duniya so jaati hai

Bistar per let kar mein

Takiye ke saharey

Karwat badaltey huey

Aankhein moond kar

Janey kya kya dekhta rehta hu



Parvaaz per hota hai takhayyul

Kabhi maazi ki naaw per sawaar

Kabhi mustaqbil ki chokhat per

Khada milta hai takhayyul



Ghadi ki soo-ii ke sath

Dhadkaney gintey huey

Ek koney se doosrey koney tak

Bistar naanptey huey

Be-qaraari ke aalam mei

Raat bhar jaagta rehta hu....



Ae neend

Kyu mujh se tum is darja khafa ho

Kyu mujh ko iss darja satati ho....